Ժնև գնալու ճանապարհին․ ուկրաինական պատվիրակությունը մեկնել է բանակցությունների
Ուկրաինայի պատվիրակությունը մեկնել է Ժնև, որտեղ սպասվում է Ռուսաստանի և ԱՄՆ-ի հետ բանակցությունների նոր փուլ։
Այս մասին հայտնել է Վլադիմիր Զելենսկիի գրասենյակի ղեկավար Կիրիլ Բուդանովը։
Բուդանովը նաև լուսանկար է հրապարակել գնացքի մոտ Զելենսկու գրասենյակի ղեկավարի առաջին տեղակալ Սերգեյ Կիսլիցայի և Պաշտպանության նախարարության գլխավոր հետախուզական վարչության պետի տեղակալ Վադիմ Սկիբիցկու հետ։
Լուսանկարին կից գրել է․ «Ժնև գնալու ճանապարհին։ Բանակցությունների հաջորդ փուլը առջևում է»։
Ուրբաթ օրը Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ փետրվարի 17-18-ը Ժնևում կկայանա Ռուսաստանի, ԱՄՆ-ի և Ուկրաինայի միջև բանակցությունների նոր փուլ։
Ռուսական պատվիրակությունը կգլխավորի նախագահի օգնական Վլադիմիր Մեդինսկին։
