Ադրբեջանն ու Իրանը ստորագրել են փոխըմբռնման հուշագիր

Բաքվում տեղի է ունեցել Ադրբեջանի և Իրանի միջև տնտեսական, առևտրային և հումանիտար համագործակցության պետական ​​հանձնաժողովի 17-րդ նիստը։

Հատուկ ուշադրություն է դարձվել Արևելք-Արևմուտք և Հյուսիս-Հարավ տրանսպորտային միջանցքների զարգացմանը, ինչպես նաև Ռեշտ-Աստարա երկաթուղային գծի կառուցմանը։

«Գծի շահագործման հանձնումը զգալիորեն կբարձրացնի այս ուղղությամբ փոխադրումների ծավալները և կկրճատի բեռների մատակարարման ժամանակը», — հայտարարել է Ադրբեջանի կառավարությունը։

Հանդիպումից հետո պատվիրակությունների ղեկավարներ՝ Ադրբեջանի փոխվարչապետ Շահին Մուստաֆաևը և Իրանի ճանապարհների և քաղաքաշինության նախարար Սադեղը, ստորագրել են փոխըմբռնման հուշագիր։