Ամբողջ Իրանում զանգվածային սգո միջոցառումներ են անցկացվում Խամենեիի մահից հետո
Իրանի Իսլամական Հանրապետության ողջ տարածքում սգո միջոցառումներ են անցկացվում երկրի գլխավոր հոգևոր առաջնորդ այաթոլլա Ալի Խամենեիի մահից հետո։Ավելի վաղ Իրանի հանրային հեռուստաընկերությունը հաստատել էր երկրի վրա ամերիկա-իսրայելական հարձակումից հետո Խամենիի զոհվելու մասին լուրը։
Tasnim գործակալության տվյալներով՝ Խամենեին սպանվել է իր գրասենյակում, փետրվարի 28-ի առավոտյան։
Fars գործակալությունն էլ հայտնել է, որ բացի Իրանի հոգևոր առաջնորդից, զոհվել են նաև նրա ընտանիքի 4 անդամ, այդ թվում դուստրը։
Իրանի մզկիթներում սգո դրոշներ են բարձրացվել՝ այաթոլլայի սպանության մասին լուրից հետո։
Զանգվածային ակցիաների ընթացքում իրանցիները կոչ են անում վրեժ լուծել իրենց հոգևոր առաջնորդի մահվան համար։
Հիշեցնենք` ԱՄՆ-ն և Իսրայելը փետրվարի 28-ի առավոտյան հարվածներ են հասցրել Իրանին։
Իրանը պատասխան հրթիռային հարվածներ է հասցրել Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
