Թուրքիան հայտարարել է Հայաստանի հետ ուղիղ առևտրի մեկնարկի նախապատրաստական աշխատանքների ավարտի մասին
Թուրքիայի արտաքին գործերի նախարարությունը հայտնել է 2022 թվականից շարունակվող հարաբերությունների կարգավորման գործընթացի շրջանակներում Թուրքիայի և Հայաստանի միջև ուղիղ առևտրի մեկնարկի բյուրոկրատական նախապատրաստական աշխատանքների ավարտի մասին։
Ինչպես նշել են թուրքական արտաքին քաղաքական գերատեսչությունում, 2026 թվականի մայիսի 11-ի դրությամբ ավարտվել են բոլոր անհրաժեշտ բյուրոկրատական ընթացակարգերը։ Միևնույն ժամանակ, շարունակվում են երկու երկրների միջև ընդհանուր սահմանի բացման տեխնիկական և բյուրոկրատական աշխատանքները։
Ըստ նոր կարգավորման՝ երրորդ երկրների տարածքով Թուրքիայից Հայաստան տեղափոխվող կամ նույն երթուղով ժամանող ապրանքների համար այժմ որպես վերջնական նշանակման կետ կամ ծագման երկիր կարող է նշվել «Հայաստան/Թուրքիա»։
Անկարայում ընդգծել են, որ Թուրքիան կշարունակի նպաստել Հարավային Կովկասում տնտեսական կապերի զարգացմանը և համագործակցությանը՝ ի շահ տարածաշրջանի բոլոր երկրների և ժողովուրդների։
