Ուկրաինական անօդաչու թռչող սարքերը հարձակվել են Լենինգրադի մարզի վրա
Ուկրաինական անօդաչու սարքերը զանգվածային հարձակում են սկսել Ռուսաստանի Լենինգրադի մարզի վրա երեքշաբթի լույս չորեքշաբթի՝ հունիսի 3-ի գիշերը, Սանկտ Պետերբուրգի միջազգային տնտեսական ֆորումի բացումից ընդամենը մի քանի ժամ առաջ։ Մարզի նահանգապետ Ալեքսանդր Դրոզդենկոն Telegram-ում գրել է.
«Հակաօդային պաշտպանության ուժերը Լենինգրադի մարզում խոցել են 30 անօդաչու թռչող սարք։ Մարտական գործողությունները շարունակվում են»։ Նա չի նշել, թե որտեղ են խոցվել դրոնները։ Պուլկովո օդանավակայանում սահմանափակումներ են մտցվել մուտքային և ելքային թռիչքների նկատմամբ։
Ըստ տեղեկությունների՝ դրոնների հարձակման հետևանքով վնասվել է մի քանի օբյեկտ, հրդեհ է բռնկվել Ռուսաստանի հյուսիս-արևմուտքում գտնվող նավթավերամշակման համալիրներից խոշորագույնում՝ «Պետերբուրգյան նավթային տերմինալում»:
Ֆորումի կայքի համաձայն՝ առաջին միջոցառումները նախատեսված են չորեքշաբթի։ Համաժողովը տեղի է ունենում Սանկտ Պետերբուրգից հարավ գտնվող Expoforum համալիրում՝ Պուլկովո օդանավակայանի մոտ։ Վլադիմիր Պուտինի ելույթը նախատեսված է հունիսի 5-ին: Համաժողովին կմասնակցեն նաև «Այլընտրանք Գերմանիայի համար» (AfD) գերմանական աջ արմատական կուսակցության ներկայացուցիչները:
