Հայաստանի թեկնածուն ընտրվել է ՄԱԿ-ի Հաշմանդամություն ունեցող անձանց իրավունքների կոմիտեի անդամ
ՄԱԿ-ի Մարդու իրավունքների խորհրդից տեղեկացնում են, որ 15 թեկնածուից կազմակերպության Հաշմանդամություն ունեցող անձանց իրավունքների կոմիտեի անդամ է ընտրվել Հայաստանից Մուշեղ Հովսեփյանը:
Առաջին անգամ հայ փորձագետը կներգրավվի Հաշմանդամություն ունեցող անձանց իրավունքների մասին կոնվենցիայի (CRPD) աշխատանքներում:
«Հայաստանը շարունակում է հանձնառու մնալ հաշմանդամություն ունեցող անձանց իրավունքների զարգացմանը»,- նշված է ՄԱԿ-ում Հայաստանի առաքելության Իքսի էջում:
