Ելակը անսովոր բարձր գին ունի. թանկացել են նաև կեռասը, ծիրանը, սա ի՞նչ է նշանակում. Փաշինյանը՝ Պապոյանին (տեսանյութ)

Մեկնարկել է ՀՀ կառավարության հերթական նիստը, որի ժամանակ ՀՀ վարչապետ Նիկոլ Փաշինյանը դիմել է Էկոնոմիկայի նախարար Գևորգ Պապոյանին՝ հարց ուղղելով, թե ինչու է տեղական շուկայում թանկացել կամ բարձր արժեքով վաճառվում մթերքը այն դեպքում, երբ, ինչպես ազդարարվում է, արտահանման խնդիր կա:

Վարչապետի խոսքով՝ սպառմման շուկայում ելակն արտասովոր բարձր գին ունի, թանկացել են նաև կեռասը, ծիրանն ու այլ մթերքները:

«Սա ի՞նչ է նշանակում, պարոն Պապոյան»,- նախարարին հարց է ուղղել վարչապետը:

ՀՀ Էկոնոմիկայի նախարարը սկսել է թվարկել, թե որքան է կազմում արտահանումների թիվը, որ մթերքից քանի տոննա է արտահանվել, սակայն  վարչապետն ընդհատել է նրան՝ ասելով, թե այդ թվերն առանձնապես չեն տալիս հարցի պատասխանը:

Վարչապետը տարակուսանք է հայտնել շուկայում տիրող իրավիճակի վերաբերյալ.

«Խոսքը ջերմոցում արտադրվող լոլիկի մասին է չէ՞, հողինը դեռ չկա, նույնը ելակը, մենք ընթացիկ ծախսերը փակելու համար ջերմոցատերերին 2 հիմնական հոգսից ազատել ենք:

Կարծում եմ՝ առնվազն էն մտավախությունները, որ կային, պետք է չլինեն, մենք քաջալերում ենք բիզնեսին ու ցանկացած սցենարի դեպքում +-ով է լինելու արդյունքը:  Նոր ուղիներ են հանդես գալիս, նոր երթուղիներ կան, օրինակ, քանակի սահմանափակում չկա, պետք է ուղղակի մտնել պրոցեսի մեջ»,- ասել է վարչապետը:

Առավել մանրամասն՝ տեսանյութում: