ՀԷՑ-ի բաժնեմասերը ՀՀ կառավարությանը տալու մասին խոսակցությունները կեղծ են
ՀԷՑ տնօրենների խորհրդի նախագահ Կարեն Դարբինյանը և գլխավոր տնօրեն Կարեն Հարությունյանը հրավիրված մամուլի ասուլիսի ժամանակ հերքել են ՀԷՑ-ի բաժնեմասերը ՀՀ կառավարությանը տալու մասին խոսակցությունները։
«Չի կարող նման բան լինել»,- ասել է Կարեն Դարբինյանը՝ նշելով, որ նման գործընթաց չկա։
Նրա խոսքով՝ «մինչ այսօր Հայաստանի ՀԷՑ-ի առաջ նման խնդիր չի դրվել և չի լինելու»։
Կարեն Հարությունյանն էլ նշել է, որ նման հարց երբևէ չեն քննարկել. «Եթե լինի, քննարկումներ կլինեն։ Բայց նման բան չկա»։
Դարբինյանը նաև շեշտել է, որ այդ հարցի վերաբերյալ դիրքորոշում պետք է հայտնի ՀԷՑ սեփականատերը։
