Թբիլիսիում վերսկսվել է բողոքի ցույցը. այն ուղեկցվում է բախումներով եվ ձերբակալություններով
Թբիլիսիի Ռուսթավելի պողոտայում վերսկսվել է բողոքի ցույցը։ Վրաստանի խորհրդարանի շենքի մոտ կրկին հավաքվել են քաղաքացիներ, ովքեր համաձայն չեն գործող իշխանությունների քաղաքականության հետ: Նրանք ձեռքերին պահում են Վրաստանի եւ Եվրամիության դրոշները։
Խորհրդարանի շենքի հարակից փողոցներում ոստիկաններ են մոբիլիզացվել։ Բողոքի ակցիաները շարունակում են ուղեկցվել ձերբակալություններով և բախումներով:
Վրաստանի նախագահ Սալոմե Զուրաբիշվիլին Թբիլիսիի միջազգային գործընկերներին կոչ է արել անհապաղ արձագանքել ընդդիմադիր կուսակցությունների գրասենյակներում խուզարկություններին և ղեկավարների ու ակտիվիստների ձերբակալություններին։
