Դամասկոսի միջազգային օդանավակայանը դադարեցրել է աշխատանքը
Դամասկոսի միջազգային օդանավակայանում բոլոր թռիչքները դադարեցվել են, ՏԱՍՍ–ի փոխանցմամբ՝ հայտնում է սիրիական Sham FM ռադիոկայանը։
Աղբյուրի տեղեկություններով՝ բոլոր աշխատակիցները տարհանվել են օդանավակայանից։
Հիշեցնենք, որ դեկտեմբերի 8-ի առավոտյան ահաբեկչական խմբավորումների զինյալները մտել են Դամասկոս։
Սիրիայի վարչապետ Մուհամմադ Ղազի ալ-Ջալալին հայտարարել է ժողովրդի կողմից ընտրված ցանկացած ղեկավարության հետ համագործակցելու պատրաստակամության մասին։
Նա կոչ է արել պահպանել պետական ինստիտուտները, որոնք «նախատեսված են բոլորի համար»։
