Վրաստանը նոր նախագահ ունի. հայտնի է երդմնակալության արարողության օրը

Վրաստանում ավարտվել են նախագահական ընտրույթունները:

Միխեիլ Կավելաշվիլին ընտրվել է նախագահ՝ ստանալով ընտրական 300 ձայներից 224-ը՝ անհրաժեշտ 200-ից ավելի:

Կավելաշվիլին նախկին պրոֆեսիոնալ ֆուտբոլիստ է, Ռուսաստանի և Շվեյցարիայի չեմպիոն:

Նա ֆուտբոլային կարիերան ավարտել է 2006 թվականին: Նա 2016 թվականից «Վրացական երազանք»-ի պատգամավորներից մեկն է։

Կավելաշվիլիի երդմնակալության արարողությունը տեղի կունենա դեկտեմբերի 29-ին։

Ինչպես ավելի վաղ հայտնել էինք, դեկտեմբերի 14-ին Վրաստանում մեկնարկել էին նախագահական ընտրությունները, իսկ խորհրդարանի դիմաց՝ վերսկսվել բողոքի ակցիաները:

Առաջին անգամ երկրի նախագահին ժողովուրդը չի ընտրել:

5 տարի ժամկետով նախագահը ընտրվել 300 հոգանոց կոլեգիայի կողմից։