«Աբովյան» ՔԿՀ-ում ներկա էի տարեմուտի տոնական համերգին. Աննա Հակոբյան
ՀՀ վարչապետի տիկին Աննա Հակոբյանը «Աբովյան» քրեակատարողական հիմնարկում ներկա է գտնվել «Հանուն ազատության» իրավական հասարարական կազմակերպության կազմակերպած տարեմուտի տոնական համերգին:
Այս մասին սոցցանցի իր էջում հայտնել է Աննա Հակոբյանը՝ նշելով, որ համերգի ընթացքում անազատության մեջ գտնվող կանանց ուրախ պահեր են պարգևել երգիչներ Լեյլա Սարիբեկյանը, Նարեկ Պողոսյանը, Սամսոն Պանյանը, Արսեն Զաքարյանը, Դավիթ Հայրոյանը և Դավիթ Աղասին։
«Ծանոթացա նաև կրթական դասընթացների մասնակցած դատապարտյալների ձեռքի աշխատանքներին:
Այս տարվա ընթացքում «Աբովյան» ՔԿՀ-ում նման դասընթացների մասնակցել է 20 դատապարտյալ»,- գրել է վարչապետի տիկինը:
