Ռուսական կողմը Արշակ Կարապետյանին բռնել է եվ բաց թողել. մանրամասներ

ՀՀ ՆԳՆ ոստիկանության Քրեական ոստիկանության գլխավոր վարչությունում ստացված տեղեկության համաձայն՝ ՌԴ Մոսկվա քաղաքի Տվերսկոյ շրջանի ոստիկանության բաժնի աշխատակիցները դեկտեմբերի 29-ին հայտնաբերել և բերման են ենթարկել Արշակ Կարապետյանին, ապա՝ ազատ արձակել։

«Արշակ Կարապետյանը 2024թ-ի դեկտեմբերի 5-ից ՀՀ ՆԳՆ ոստիկանության ՔՈԳՎ-ի կողմից ՀՀ նախկին քրեական օրենսգրքի 310-րդ (Ահաբեկչական գործունեությունը ֆինանսավորելը), 308-րդ հոդ 1-ին մասի (Ահաբեկչությունը), 38-308-րդ հոդ 1-ին մասի և 38-375-րդ հոդ 1-ին մասի մեղադրանքով հետախուզվում է, իսկ որպես խափանման միջոց ընտրված է բացակայելու արգելքը:

Վերջինիս նկատմամբ հայտարարված է նաև միջպետական հետախուզում»,- հայտնեցին ՆԳՆ-ից:

Ավելի վաղ հայտնել էինք, որ, ըստ «Իզվեստիա»-ի, Մոսկվայում ձերբակալվել էր ՀՀ պաշտպանության նախկին նախարար Արշակ Կարապետյանը։