Հայտնի է՝ ում է տրվել ավտովթարի հետեվանքով զոհված Մհեր Սահակյանի մանդատը
ԿԸՀ որոշմամբ, օրերս ավտովթարի հետևանքով զոհված Մհեր Սահակյանի մանդատը տրվել է «Հայաստան» դաշինքի թեկնածու Արմինե Խերանյանին։
«ԿԸՀ-ն հունվարի 14-ին ստացել է Ազգային Ժողովի պատգամավոր Մհեր Սամվելի Սահակյանի մահվան մասին տեղեկացնող գրությունը։ Ազգային Ժողովի «Հայաստան» կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրվել է նույն ընտրական ցուցակի առաջին մասի հերթական հաջորդ թեկնածու Արմինե Սամվելի Խերանյանին»,- հայտնել են ԿԸՀ-ից։
Ավելի վաղ տեղեկացրել էինք, որ Տիգրանաշենի ոլորանների ձորում հայտնաբերվել էր ԱԺ «Հայաստան» խմբակցության պատգամավոր Մհեր Սահակյանի մեքենան և դին:
