Իրանում ռազմական ինքնաթիռ է կործանվել
Իրանի ռազմաօդային ուժերի ինքնաթիռը վթարի է ենթարկվել Համադան նահանգում, երկու օդաչուներն էլ ողջ են մնացել։ Այս մասին հայտնել է նահանգի փոխնահանգապետ Համզե Էմրայը, փոխանցում է ՏԱՍՍ-ը։
Նրա խոսքով, ինչպես մեջբերում է IRNA լրատվական գործակալությունը, վթարը տեղի է ունեցել նահանգի հյուսիսում գտնվող Կաբուդրահանգ շրջանում։
«Բարեբախտաբար, երկու օդաչուներին էլ հաջողվել է վթարից առաջ դուրս նետվել»,- հավելել է փոխնահանգապետը։
Օդանավի տեսակն ու մակնիշը չեն նշվում։
Ինչպես նշել է գործակալության մեկ այլ աղբյուր, երկու օդաչուներն էլ թեթև վնասվածքներով տեղափոխվել են հիվանդանոց։
