Օվերչուկի՝ ՀՀ-ի` ԵԱՏՄ-ից դուրս գալու վերաբերյալ հայտարարությունը քաղաքական չէ․ Զախարովա

Այսօր՝ հունվարի 23-ին, ՌԴ ԱԳՆ պաշտոնական ներկայացուցիչ Մարիա Զախարովան անդրադարձավ ԵՄ-ին Հայաստանի անդամակցության օրինագծի վերաբերյալ Մոսկվայի դիրքորոշումը։

Լրագրողի այն հարցին, թե Հայաստանն ու Ռուսաստանը Եվրամիությանը Հայաստանի անդամակցության օրինագծի հարցում ընդհանուր հայտարարի եկե՞լ են, թե՞ Ռուսաստանի դիրքորոշումը նույնն է, ինչպես բարձրաձայնել է փոխվարչապետ Ալեքսեյ Օվերչուկը, թե Մոսկվան այս օրինագիծը դիտարկում է որպես ԵԱՏՄ-ից Հայաստանի դուրս գալու սկիզբ, Զախարովան պատասխանել է․

 «Գիտե՞ք, հարցն այսպես եք ձևակերպել, «կերե՞լ եք, թե՞ համով է» կատեգորիայից։ Հարցի որոշ երկու մասեր, որոնք ինչ-որ կերպ կապված են մեկ թեզի մեջ, հակադրվում են։ Եկեք նորից։

Այո, նախ և առաջ ես արդեն պատասխանեցի։ Երկրորդը, քննարկել ենք այդ թվում նաև բարդ հարցեր, կարծիքներ փոխանակել և արտահայտել մեր դիրքորոշումները։

Ռուսաստանի Դաշնության փոխվարչապետի հայտարարած դիրքորոշումը հիմնված է գիտության օրենքների վրա՝ տնտեսագիտություն, իրավագիտություն: Ահա թե ինչի վրա է այն հիմնված։ Իսկ պարոն Օվերչուկի տված պարզաբանումները քաղաքական հայտարարություններ չեն։

Դրանք եղել են և մնում են այն ակնհայտ հետևանքների բացատրությունը, որոնք ակնհայտորեն բխում են որոշակի քայլերից։ Այսքանը: Նա օրինաչափություններն էր բացատրում, ոչ թե քաղաքական կամ քաղաքականապես կողմնակալ, քաղաքական և իրականությունից կտրված հայտարարություններ անում։

Իհարկե ոչ։ Այնպես որ, դա հարցի էությունից բաժանված բան չէ։ Հենց սա էլ հարցի էության պարզաբանումն էր։ Նկատի ունեմ պարոն Օվերչուկի հայտարարությունը։ Կարծում եմ, որ անհնար է անգամ այսպես այս հարցը դնել»։