Ասադի տապալումից հետո առաջին անգամ ռուսական պատվիրակությունը ժամանել է Սիրիա
Ռուսական պատվիրակությունը ժամանել է Սիրիա, ինքնաթիռը վայրէջք է կատարել Դամասկոսում:
Արտաքին գործերի փոխնախարար Միխայիլ Բոգդանովը և Սիրիայի հարցով ՌԴ նախագահի հատուկ ներկայացուցիչ Ալեքսանդր Լավրենտևը ժամանել են երկիր։
Սա ռուս պաշտոնյաների առաջին պաշտոնական այցն է Բաշար ալ-Ասադի ռեժիմի տապալումից հետո։ Նրանց ուղևորության նպատակը չի նշվում։
Սիրիայի նախկին նախագահը կորցրել է իշխանությունը Հայաթ Թահրիր ալ-Շամի արագ առաջխաղացումից հետո: Ընդամենը մեկ շաբաթվա ընթացքում՝ նոյեմբերի վերջից դեկտեմբերի 7-ը, նրանք Սիրիայի հյուսիսից առաջ շարժվեցին դեպի Դամասկոս։
Զորքերն ու անվտանգության ուժերը նրանց գրեթե ոչ մի դիմադրություն ցույց չեն տվել։ Բաշար ալ-Ասադը լքել է երկիրը և ապաստան ստացել Ռուսաստանում:
