ԱՄՆ-ում ավիաաղետի հետեվանքով զոհվածներից 3-ն ունեին ռուսական անձնագրեր. ՌԴ ԱԳՆ
ԱՄՆ-ում ավիաաղետի հետևանքով զոհվածներից 3-ն ունեին ռուսական անձնագրեր, ևս մեկ ուղևորի մասին տեղեկությունը ստուգվում է, ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Այդ ավիաաղետի երեք զոհերը, ըստ մեր դեսպանատան, ունեն ռուսական անձնագրեր, չորրորդը ևս կարող է ունենալ ռուսական անձնագիր, այս տեղեկությունն այժմ ճշտվում է»,- նշել է դիվանագետը։
Հունվարի 30-ին American Airlines ավիաընկերության մարդատար ինքնաթիռն օդ է բարձրացել Կանզաս նահանգի Վիչիտա քաղաքից և Վաշինգտոնում վայրէջք կատարելիս բախվել ռազմական ուղղաթիռին։
Երկուսն էլ ընկել են գետը։ Բոլոր ուղևորները՝ 67 մարդ, զոհվել են։ Զոհերի թվում կան ռուս գեղասահորդներ։ Բախման պատճառները դեռ պարզված չեն։
