Երեվանի քաղաքապետարանն իր ֆինանսական միջոցներով Գյումրու Անի թաղամասում մեկ բակ կբարեկարգի
Առաջիկայում Երևանի քաղաքապետարանն իր ֆինանսական միջոցներով Գյումրու Անի թաղամասում մեկ բակ է բարեկարգելու այն նույն չափորոշիչներով, ինչպիսիք առկա են Երևանում:
Այս մասին հայտնել են համայնքապետարանից:
Բակը ունենալու է խաղահրապարակ, փոքր ֆուտբոլի դաշտ և կանաչ գոտի: Նախագիծը շուտով պատրաստ կլինի:
Խորհրդակցության ընթացքում, հաշվի առնելով քաղաքացիներից ստացված առաջարկները, դիտարկվել է նաև նախկին 1-ին համարի ավտոբուսի երթուղին վերագործարկելու հարցը:
