Ռեմի Ռիուն վերահաստատել է ՀՀ կարեվոր ենթակառուցվածքային ծրագրերում ԶՖԳ-ի մասնակցության պատրաստակամությունը
ՀՀ փոխվարչապետ Տիգրան Խաչատրյանի գլխավորած պատվիրակության`Ֆրանսիայի Հանրապետություն շարունակվող աշխատանքային այցի շրջանակներում տեղի է ունեցել փոխվարչապետի և Զարգացման ֆրանսիական գործակալության գլխավոր տնօրեն Ռեմի Ռիուի հանդիպումը:
Զրուցակիցները կարևորել են նաև ենթակառուցվածքների զարգացման ուղղությամբ ձևավորված արդյունավետ համագործակցությունը:
Այս համատեքստում անդրադարձ է կատարվել Վեդու ջրամբարի և ոռոգման համակարգի կառուցման աշխատանքների ընթացքին`երկուստեք ընդգծելով ջրամբարի` ընթացիկ տարում շահագործման հանձնելու կարևորությունը։
Բարձր գնահատելով այս ուղղությամբ ՀՀ հետ ձևավորված սերտ համագործակցությունը`ԶՖԳ գլխավոր տնօրենը վերահաստատել է կարևոր ենթակառուցվածքային ծրագրերում մասնակցություն ունենալու գործակալության պատրաստակամությունը:
Հանդիպման ավարտին, ի թիվս ընթացիկ փոխգործակցությանը վերաբերող հարցերի լայն շրջանակի, զրուցակիցները մտքեր են փոխանակել նաև համագործակցության հնարավոր նոր ուղղությունների վերաբերյալ։
Այս համատեքստում պայմանավորվածություն է ձեռք բերվել առաջիկա ամիսներին մեկնարկել Հայաստան-ԶՖԳ ռազմավարական գործակցության 2026-2027թթ. գործողությունների ծրագրի մշակման նպատակով աշխատանքային հանդիպումները։
