Տավուշի մարզպետը խստագույնս կհետևի սուբվենցիոն ծրագրերի ընթացքին
Այսօր Տավուշի մարզպետ Հայկ Ղալումյանը խորհրդակցություն է անցկացրել մարզի համայնքների ղեկավարների մասնակցությամբ։ Խորհրդակցությանը մասնակցել են նաև մարզպետի տեղակալ Նարեկ Ղուշչյանը, մարզպետարանի գլխավոր քարտուղար Արման Գևորգյանը, համապատասխան ստորաբաժանումների ղեկավարները, ծրագրերի տնտեսական պատասխանատուները։
Խորհրդակցությանը նախ քննարկվել է 2022 թվականի սուբվենցիոն ծրագրերի ընթացքը, այնուհետև անդրադարձ է եղել 2023 թվականին նախատեսվող սուբվենցիոն ծրագրերի նախնական հայտերի կազմման աշխատանքներին։
Մարզպետը անդրադարձել է ներկայացված ծրագրերին, առաջարկել խստագույնս հետևել դրանց ժամկետների պահպանմանը և ներկայացվող ծրագրերի որակին։
