Պուտինը հրամայել է դադարեցնել Էներգետիկ օբյեկտների վրա հարձակումները․ Պեսկով

Ուկրաինայի էներգետիկ օբյեկտներին հարվածները դադարեցնելու մասին ՌԴ նախագահ Վլադիմիր Պուտինի հրամանը ուժի մեջ է։

Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Մենք խոսում ենք հարվածների դադարեցման մասին. նախագահ Պուտինը հրահանգ է տվել դադարեցնել հարվածները էներգետիկ ենթակառուցվածքների օբյեկտներին։

Սա այն է, ինչի մասին պայմանավորվածություն է ձեռք բերվել»,- ընդգծել է Կրեմլի ներկայացուցիչը։

Մարտի 18-ին հաղորդվել էր, որ ՌԴ նախագահ Վլադիմիր Պուտինը պաշտպանել է ԱՄՆ նախագահ Դոնալդ Թրամփի առաջարկը՝ 30 օրով զերծ մնալ Ուկրաինայի և Ռուսաստանի էներգետիկ ենթակառուցվածքների վրա հարձակումներից։

Պուտինը դրական է արձագանքել Թրամփի նախաձեռնությանը և անմիջապես համապատասխան հրամաններ տվել ՌԴ զինված ուժերին։