Լավրովը պատմել է, թե ինչպես Մոսկվան տեղի տվեց Էրդողանի խնդրանքներին
Մոսկվան կատարել է Թուրքիայի նախագահ Ռեջեփ Թայիփ Էրդողանի բոլոր խնդրանքները՝ կապված սևծովյան նախաձեռնության հետ, սակայն Կիևը վերջին պահին փոխել է իր որոշումը։
Այս մասին Առաջին ալիքին տված հարցազրույցում հայտարարել է ՌԴ ԱԳ նախարար Սերգեյ Լավրովը։
Նախարարը հիշեցրել է, որ Էրդողանը մի քանի անգամ փորձել է թարմացնել նախաձեռնությունը պարզեցված ձևով՝ առանց դատարկ նավերի ֆիզիկական ստուգումների, որոնք վերադառնում են հացահատիկ և պարարտանյութ բեռնաթափելուց հետո։
«Այնուհետև վերջին պահին Էրդողանն ասաց, որ Զելենսկին նույնպես ցանկանում է համաձայնվել չհարվածել միջուկային ենթակառուցվածքի օբյեկտներին, թեև միայն Զելենսկին է հարվածել Զապորոժիեի ատոմակայանին, բայց քանի որ նման առաջարկը եկել է Կիևից, մենք համաձայնել ենք նաև սրան, և նաև առանց ստուգման հատուկ մեխանիզմների։
Այսինքն՝ մենք արձագանքել ենք նախագահ Էրդողանի բոլոր խնդրանքներին և այն խնդրանքին, որին ինքը՝ Զելենսկին, վերջին պահին դրդել է Էրդողանին։ Մենք ասացինք՝ այո, իսկ հետո Էրդողանը զանգահարեց Պուտինին և ասաց. «Գիտեք, Զելենսկին մտափոխվել է»», — ՏԱՍՍ-ի հաղորդմամբ՝ նշել է ՌԴ դիվանագիտական գերատեսչության ղեկավարը։
