Ուժեղ երկրաշարժը խnւճապ է առաջացրել Բանգկոկում, Թաիլանդի օդանավակայանները դադարեցրել են աշխատանքը
Հարավարևելյան Ասիայում տեղի ունեցած հզոր երկրաշարժը, որի էպիկենտրոնը գտնվում էր Մյանմարում, հատկապես ուժեղ ցնցումներով արտահայտվել է Թաիլանդի մայրաքաղաք Բանգկոկում։
Երկրաշարժի ժամանակ քաղաքում խուճապ է տիրել՝ մարդիկ դուրս են վազել փողոց։ Բանգկոկի կենտրոնում գտնվող Սիլոմ բիզնես թաղամասում հազարավոր մարդիկ լքել են շենքերը։
«Մարդիկ խուճապահար բղավելով դուրս էին վազում գրասենյակներից», — հաղորդում են տեղական լրատվամիջոցները:
Տեձսախցիկները ֆիքսել են առնվազն մեկ երկնաքերի փլուզում:
Անմիջապես դեպքի վայր ժամանած փրկարարները կոչ են արել բնակիչներին մնալ բաց երկնքի տակ։
Հիվանդները տարհանվել են հիվանդանոցներից և տեղավորվել փողոցներ՝ շենքերից հեռու: Առայժմ զոհերի մասին տեղեկություններ չկան։
