Փարիզում բողոքի ցույցի են դուրս եկել ուսանողներն ու մանկավարժները. ոստիկանությունն արցունքաբեր գազ է կիրառել
Փարիզում կրթական ոլորտի 9 արհմիությունների կոչով, ուսուցիչներն ու ուսանողները դուրս են եկել ցույցի՝ բողոքելով համալսարանների բյուջեի, ընդդեմ պետական հատվածի կրճատումների և Միացյալ Նահանգների կողմից սահմանված մաքսատուրքերի:
Ակցիան մեկնարկել է կրթության նախարարությունից։ Մասնակիցները կրել են պաստառներ, որոնք քննադատել են նախկին վարչապետ և Ֆրանսիայի կրթության ներկայիս նախարար Էլիզաբեթ Բորնին:
Ցուցարարները բարիկադներ են տեղադրել, այրել աղբամանները և փորձել ջարդել ցուցափեղկերն ու բանկոմատները: Բախումներ ե սկսվել ուսանողների և ոստիկանների միջև։
Ոստիկանները մահակներով սկսել են հետ մղել ցուցարարներին, կիրառվել է արցունքաբեր գազ։
Ցույցի մասնակիցները հրկիզել են ամերիկյան դրոշը՝ վանկարկելով ԱՄՆ նախագահ Դոնալդ Թրամփի քաղաքականության և նրա սահմանած մաքսատուրքերի դեմ ուղղված քննադատական կարգախոսներ։
