Թրամփը Զելենսկու մասին նոր հայտարարություն է արել

ԱՄՆ նախագահ Դոնալդ Թրամփը պատերազմի պատասխանատվությունը չի դնում Վլադիմիր Զելենսկու վրա, սակայն կարծում է, որ վերջինս «բավականաչափ չի արել» պատերազմը կանխելու համար։

«Ռուսաստանը շատ ավելի մեծ է, այն շատ ավելի հզոր ռազմական ուժ է: Իսկ եթե խելացի ես, պատերազմների մեջ չես խառնվում:

Ես նրան չեմ մեղադրում: Բայց ես չեմ տեսել, որ նա լավ աշխատանք կատարի:

Ես (Զելենսկու — խմբ.) մեծ երկրպագու չեմ»,- իր տեսակետն է ներկայացրել Թրամփը:

Թրամփը նաև ասել է, որ Զելենսկին պատասխանատվություն չի կրում պատերազմի համար, միաժամանակ նշել՝ «հիացած չէ», որ այս պատերազմը սկսվել է, և հետևաբար մեղադրում է բոլորին։