Վարդան Ղուկասյանի փեսան և ընկերն ընտրվեցին Գյումրու առաջին և երկրորդ փոխքաղաքապետ. ՔՊ-ն ձեռնպահ է քվեարկել
Ինչպես հայտնել ենք, Գյումրու ավագանին նիստ է գումարել՝ օրակարգում ունենալով 2 փոխքաղաքապետի և մշտական գործող հանձնաժողովների նախագահների ու տեղակալների նշանակումների վերաբերյալ օրակարգային հարցերը:
Փոխքաղաքապետի երկու թեկնածուներն են Ավետիս Առաքելյանը, որ Ղուկասյանի փեսան է, և Գագիկ Մանուկյանը՝ Ղուկասյանի մտերիմ ընկերը, երկուսն էլ ընտրվեցին փոխքաղաքապետի պաշտոններում:
Ղուկասյանի փեսան՝ Ավետիս Առաքելյանը, ընտրվեց Գյումրու քաղաքապետի առաջին տեղակալ: ՔՊ խմբակցությունը, որը կողմ էր քվեարկել հանձնաժողովի նախագահների և տեղակալների թեկնածությանը, ձեռնպահ քվեարկեց փոխքաղաքապետների թեկնածությանը:
Առաքելյանը 17 կողմ ձայնով ընտրվեց:
Փեսայի ընտրվելուց հետո Ղուկասյանը հայտարարել է. «Նրանից ավելի շատ եմ պահանջելու, կապ չունի, որ իմ փեսան է»:
Գագիկ Մանուկյանն էլ ընտրվեց քաղաքապետի 2-րդ տեղակալ:
ՔՊ խմբակցությունը այս դեպքում ևս ձեռնպահ քվեարկեց, և նա ընտրվեց 17 կողմ ձայնով:
