Թուրքիան իր աջակցությունն է հայտնել Պակիստանին
Թուրքիայի ԱԳ նախարար Հաքան Ֆիդանը հեռախոսազրույց է ունեցել պակիստանցի գործընկերոջ՝ Մոհամմեդ Իսհակ Դարի հետ և իր աջակցությունը հայտնել Պակիստանին՝ կապված վերջին իրադարձությունների հետ։
Նախարարները պայմանավորվել են իրավիճակի զարգացման վերաբերյալ սերտ գործակցությունը շարունակել։
Մայիսի 7-ի գիշերը Հնդկաստանը հարվածներ է հասցրել Պակիստանին և Պակիստանի կողմից վերահսկվող Քաշմիրի շրջաններին։ Հնդկաստանի բանակը հայտարարել է «Սինդուր» գործողության մեկնարկի մասին, որի թիրախում «Պակիստանի ահաբեկչական ենթակառուցվածքներն են»։
Պակիստանը պատասխանել է փոխադարձ հարվածներով: 2 կողմում կան տուժածներ և զոհեր:
Այս սրումը տեղի է ունեցել այն բանից հետո, երբ Հնդկաստանը Իսլամաբադին մեղադրել է ապրիլի վերջին հնդկական հողում զբոսաշրջիկների վրա կատարված ահաբեկչությանը աջակցելու մեջ, որի հետևանքով զոհվել էր 26 մարդ:
