Իտալիան ԵՄ ընդհանուր միջոցներից 2,5 միլիարդ եվրո է փոխանցել Ուկրաինային

Իտալիան 2,5 միլիարդ եվրո է նվիրաբերել Ուկրաինային ռազմական և հումանիտար կարիքների համար: Այս մասին գրում է ՏԱՍՍ-ը՝ հանրապետության արտաքին գործերի նախարարությանը հղումով։

Իտալիայի ԱԳՆ-ն հավելել է, որ աջակցությունը տրամադրվել է Եվրամիության ընդհանուր միջոցներով։

Նախօրեին The New York Times-ը գրել էր, որ ԱՄՆ-ն Ուկրաինային կփոխանցի 125 MARS II և HIMARS հեռահար բազմակի արձակման հրթիռային համակարգեր, ինչպես նաև 100 Patriot կալանիչներ Գերմանիայից։

Փետրվարին Ուկրաինայի նախագահ Վլադիմիր Զելենսկին հայտարարել էր, որ երկրի անդամակցությունը Հյուսիսատլանտյան դաշինքին կարող է ձգձգվել տասնամյակներով:

Այդ դեպքում, նրա խոսքով, հարց է առաջանում, թե ինչպես է Ուկրաինան պաշտպանվելու։ Այդ կապակցությամբ Զելենսկին կոչ է արել Կիևին միջուկային զենք տրամադրել։

Ավելի վաղ Ուկրաինայի նախագահը կարծիք էր հայտնել, որ երկիրը չպետք է հրաժարվեր միջուկային զինանոցից՝ վկայակոչելով Բուդապեշտի հուշագիրը, որը, ըստ նրա, չի հարգվել ոչ Ռուսաստանի, ոչ էլ Արևմուտքի կողմից։