Սաակաշվիլիին ժամանակին Վրաստան է ուղարկել Ուկրաինան՝ թթվասերի կոնտեյներով, գաղտնի. խորհրդարանի նախագահ
2021 թվականին Ուկրաինայի հետախուզական ծառայությունը Վրաստանի նախկին նախագահ Միխեիլ Սաակաշվիլիին գաղտնի ուղարկել է Վրաստան՝ պետական հեղաշրջում իրականացնելու համար։
Նրա խոսքով՝ ընտրություններից երկու օր առաջ ուկրաինական ռազմական հետախուզությունը Սաակաշվիլիին թթվասերի համար նախատեսված կոնտեյների մեջ գաղտնի տեղափոխել է երկիր։
Պապուաշվիլին նշել է, որ նախկին նախագահի համար պլան է մշակվել՝ ընտրությունների արդյունքների հրապարակումից հետո Վրաստանում հեղափոխական միջոցառումներ սկսելու համար։
Պապուաշվիլին ընդգծել է, որ հեղաշրջման փորձն անհաջող է եղել, իսկ վրացական հատուկ ծառայությունները հասցրել են Սաակաշվիլիին ձերբակալել ընտրությունների նախորդ օրը։
Միխեիլ Սաակաշվիլին, ով դեռևս Ուկրաինայի քաղաքացի է, լքել է Վրաստանը 2013 թվականին, որից հետո նրա դեմ երկրում չորս քրեական գործ է հարուցվել։ Նրանցից երկուսի համար քաղաքական գործիչը հեռակա դատապարտվել է երեք և վեց տարվա ազատազրկման։
Այս տարվա մարտի 12-ին դատարանը Սաակաշվիլիին մեղավոր է ճանաչել ավելի քան 3,2 մլն դոլար պետական միջոցների յուրացման համար և դատապարտել 9 տարվա ազատազրկման։
Մարտի 17-ին էլ նա մեղավոր է ճանաչվել սահմանն ապօրինի հատելու համար: Արդյունքում Սաակաշվիլին ստացել է ընդհանուր 12 տարի 6 ամիս ազատազրկում։
Նրա նկատմամաբ այլ գործերի շրջանակում դատավարությունները շարունակվում են:
