Պետության կայունությունն ու զարգացումը սկսվում է հզոր տնտեսությունից. Պապոյանը՝ ուսանողներին
Մայիսի 14-ին ՀՀ էկոնոմիկայի նախարար Գևորգ Պապոյանն ընդունել է «Յովիան» երիտասարդական միավորման ներկայացուցիչներին։
Հանդիպմանը մասնակցել են ՀՀ տարբեր համալսարանների ուսանողներ, որոնք հետաքրքրված են Հայաստանի տնտեսական զարգացման գործընթացներով։
Նա պատասխանել է ուսանողների հարցերին, որոնք վերաբերում էին արտահանման և ներմուծման դիվերսիֆիկացմանը, ներդրումների խթանմանը, ստվերային տնտեսության դեմ պայքարին և մի շարք այլ կարևոր թեմաների։
Քննարկման ընթացքում Գևորգ Պապոյանը շեշտել է, որ տնտեսությունը պետության զարգացման հիմքն է․ «Պետության կայունությունն ու զարգացումը սկսվում է հզոր տնտեսությունից։
Առանց դրա հնարավոր չէ ունենալ զարգացած գիտություն, ուժեղ բանակ, կրճատել աղքատությունը և ապահովել համապարփակ առաջընթաց»։
Հանդիպումն անցել է բաց և անկաշկանդ մթնոլորտում՝ նպաստելով ուսանողների տեղեկացվածության բարձրացմանը տնտեսության ոլորտում իրականացվող պետական նախաձեռնությունների վերաբերյալ։
