Պուտինի ուղղաթիռը հայտնվել է ուկրաինական ԱԹՍ-ների hարձակումը հետ մղելու գործողության կիզակետում
Ռուսաստանի նախագահ Վլադիմիր Պուտինի ուղղաթիռը մայիսի 20-ին Կուրսկի շրջան կատարած այցի ժամանակ ուկրաինական անօդաչու թռչող սարքերի լայնածավալ հարձակումը հետ մղելու էպիկենտրոնում է եղել։
«ՌԴ նախագահի ուղղաթիռը, ըստ էության, գտնվում էր թշնամու անօդաչու թռչող սարքերի զանգվածային հարձակումը հետ մղելու էպիկենտրոնում: Հարձակման ինտենսիվությունը զգալիորեն ավելացել է Գերագույն գլխավոր հրամանատարի հետ ինքնաթիռի թռիչքի ժամանակ Կուրսկի շրջանի տարածքով: Այդ իսկ պատճառով մենք միաժամանակ իրականացրեցինք հակաօդային պաշտպանություն և հակաօդային մարտեր»,- ասել է Դաշկինը «Россия-24» հեռուստաալիքի եթերում։
Նա ընդգծել է, որ առաջադրանքը կատարվել է, «հակառակորդի անօդաչու թռչող սարքերի հարձակումը հետ է մղվել, ոչնչացվել են բոլոր օդային թիրախները»։
ՌԴ նախագահը մայիսի 20-ին այցելել է Կուրսկի մարզ: Մասնավորապես, նա հանդիպումներ է ունեցել կամավորների, քաղաքապետարանների ղեկավարների և նահանգապետի պաշտոնակատար Ալեքսանդր Խինշտեյնի հետ, ինչպես նաև ստուգել է կառուցվող Կուրսկի ԱԷԿ-2-ը: Սա Պուտինի առաջին այցն է Կուրսկի շրջան՝ Ուկրաինայի զինված ուժերից շրջանի ամբողջական ազատագրումից հետո, ըստ ռուսական կողմի հաղորդագրության:
Հիշեցնենք՝ ՌԴ պաշտպանության նախարարությունն հայտարարել է, որ ուկրաինական անօդաչու թռչող սարքերը հարձակվել են ռուսական ութ շրջանների վրա։ Մոսկվայի ժամանակով ժամը 00:00-ից մինչև 07:00-ն ընկած ժամանակահատվածում խոցվել և որսացել են ուկրաինական 110 անօդաչու թռչող սարքեր, այդ թվում՝ 13-ը Մոսկվայի շրջանի վրայով, ասվում է նախարարության հաղորդագրության մեջ:
Ուկրաինայի իշխանություններն իրենց հերթին հայտնել են, որ առնվազն 12 մարդ է զոհվել, մի քանի տասնյակ մարդիկ վիրավորվել են ռուսական անօդաչու թռչող սարքերի և հրթիռների հարձակումների հետևանքով:
