Ուկրաինայի պատվիրակությունը Վաշինգտոնում կքննարկի Ռուսաստանի դեմ պատժամիջոցների խստացման հարցը. Երմակ
Ուկրաինայի առաջին փոխվարչապետ և էկոնոմիկայի նախարար Յուլիա Սվիրիդենկոյի գլխավորած պատվիրակությունը Վաշինգտոնում կքննարկի Ռուսաստանի դեմ պատժամիջոցները և երեխաների վերադարձը Ուկրաինա:
Բացի Սվիրիդենկոյից, պատվիրակության կազմում է եղել Ուկրաինայի պաշտպանության նախարարության և նախագահական գրասենյակի թիմը։ Ինքը՝ Երմակը, նույնպես թռել է Վաշինգտոն։
«Մենք նախատեսում ենք խոսել պաշտպանական աջակցության և մարտադաշտում տիրող իրավիճակի, Ռուսաստանի դեմ պատժամիջոցների խստացման մասին, մասնավորապես՝ սենատոր Լինդսի Գրեհեմի օրինագծի մասին:
Եվ նաև Ռուսաստանի՝ արտաքսված ուկրաինացի երեխաներին վերադարձնելու և այս գործընթացին աջակցելու հարցի մասին»,- մանրամասնել է Երմակը։
Բացի այդ, պատվիրակությունը կքննարկի Ներդրումների վերականգնման հիմնադրամի ստեղծման և «եկեղեցական խնդիրների հետ կապված ռուսների քարոզչության մասին» նախապես ստորագրված Համաձայնագիրը։
Ավելի վաղ Reuters-ը հայտնել էր, որ Երմակն ու Սվիրիդենկոն մեկնել են Վաշինգտոն:
