Ուկրաինայում հակամարտության տևողությունը կախված է ՌԴ-ի դեմ պատժամիջոցների արդյունավետությունից. Մերց
Ուկրաինայում հակամարտության տևողությունը կախված է Ռուսաստանի դեմ պատժամիջոցների արդյունավետությունից։
Այդ մասին հայտարարել է Գերմանիայի կանցլեր Ֆրիդրիխ Մերցը:
«Այն հարցը, թե որքան ժամանակ Ռուսաստանը կարող է դիմակայել այս պատերազմին, կախված է նաև նրանից, թե որքան արդյունավետ կլինեն պատժամիջոցները։
Ահա թե ինչու մենք և ես անձամբ այդքան ձգտում ենք, որ ԱՄՆ-ն հիմա պատժամիջոցներ կիրառի»,- ասել է նա՝ Նիդեռլանդների վարչապետ Դիկ Սխոֆի հետ համատեղ մամուլի ասուլիսի ժամանակ։
Գերմանիայի կանցլերը նշել է, որ Ռուսաստանի Դաշնության նկատմամբ ԵՄ նոր սահմանափակումները կանդրադառնան բանկային և էներգետիկ ոլորտների վրա՝ հայտարարելով, որ անհնար է թուլացնել ջանքերը ո՛չ Ուկրաինային ռազմական աջակցություն ցուցաբերելու, ո՛չ էլ Ռուսաստանի Դաշնության դեմ պատժամիջոցների պահպանման ապահովման հարցում։
