Գրիգորյանն ու Թիմանը քննարկել են կապիտալի շուկայի, կանխիկի կրճատման, էլեկտրոնային առևտրի վերաբերյալ հարցեր
Փոխվարչապետ Մհեր Գրիգորյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության նորանշանակ ղեկավար Ալեքսանդր Թիմանին:
ՀՀ կառավարության հաղորդագրության համաձայն՝ հանդիպման սկզբում փոխվարչապետը կարևորել է ԱՄՀ հետ համագործակցությունը՝ ընդգծելով ընթացիկ 3-ամյա Պահուստային ծրագրում ընդգրկված միջոցառումների նշանակությունը Կառավարության կողմից իրականացվող բարեփոխումների շրջանակներում:
Զրուցակիցները քննարկել են կապիտալի շուկային, կանխիկի կրճատմանը, էլեկտրոնային առևտրին և թվայնացմանը վերաբերող հարցեր:
Մտքեր են փոխանակվել երկրում ներդրումային միջավայրի բարելավման, այդ թվում՝ որակի ստանդարտների ներդրման ուղղությամբ հնարավոր բարեփոխումների շուրջ:
