Դատավոր Արտուշ Գաբրիելյանի նկատմամբ նոր խափանման միջոց է կիրառվել
Դատավոր Արտուշ Գաբրիելյանն ազատվել է կալանքից:
Այս մասին հայտնել է վերջինիս փաստաբանը՝ տեղեկացնելով, որ նրա նկատմամբ որպես խափանման միջոց է կիրառվել տնային կալանքը։
Ավելի վաղ հայտնել էինք, որ ապրիլի 29-ին դատարանի դահլիճից բերման էր ենթարկվել Երևանի ընդհանուր իրավասության դատարանի դատավոր Արտուշ Գաբրիելյանը:
Բարձրագույն դատական խորհուրդը ապրիլի 30-ին բավարարել է ՀՀ գլխավոր դատախազի՝ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի նկատմամբ քրեական հետապնդում հարուցելու միջնորդությունը:
