Կիևը հեռախոսազրույցներ է խնդրել Վաշինգտոնի հետ՝ զենքի մատակարարման հնարավոր դադարեցման առնչությամբ
Կիևը հեռախոսազրույցներ է խնդրել Միացյալ Նահանգների իշխանությունների հետ՝ զենքի մատակարարման հնարավոր դադարեցման մասին հաղորդագրություններից հետո: Այս մասին հայտնել է Ուկրաինայի պաշտպանության նախարարությունը։
Գերատեսչությունն ընդգծում է, որ Կիևը որևէ պաշտոնական ծանուցում չի ստացել համաձայնեցված պաշտպանական օգնության մատակարարման ժամանակացույցերի կասեցման կամ վերանայման մասին։
«Կարևոր է ապահովել համաձայնեցված պաշտպանական օգնության տրամադրման կայունությունը, շարունակականությունը և կանխատեսելիությունը, հատկապես՝ օդային պաշտպանության ամրապնդման ոլորտում», — ասված է ուկրաինական կողմի հաղորդագրությունում։
Այսօր ավելի վաղ Ուկրաինայի արտաքին գործերի նախարարություն է կանչվել Կիևում ԱՄՆ գործերի ժամանակավոր հավատարմատար Ջոն Հինքելը:
