ԱՄՆ նախագահի հատուկ ներկայացուցիչ Սթիվ Ուիթքոֆը հաջորդ շաբաթ կհանդիպի Իրանի արտգործնախարար Աբբաս Արաղչիի հետ. Axios
ԱՄՆ նախագահ Դոնալդ Թրամփի հատուկ դեսպանորդ Սթիվեն Ուիթկոֆը նախատեսում է հաջորդ շաբաթ Նորվեգիայի մայրաքաղաք Օսլոյում հանդիպել Իրանի արտգործնախարար Աբբաս Արաղչիի հետ՝ Թեհրանի միջուկային ծրագրի շուրջ բանակցությունները վերսկսելու համար։
Որոշ աղբյուրներ նաև հայտնել են, որ Ուիթկոֆը և Արաղչին «պահպանել են անմիջական կապը» հունիսին Իսրայելի և Իրանի միջև 12-օրյա զինված հակամարտության ընթացքում և դրանից հետո։
Ավելի վաղ իսրայելական N12 հեռուստաալիքը հայտնել էր, որ Վաշինգտոնը կապի մեջ է Թեհրանի հետ՝ հաջորդ շաբաթ Օսլոյում Իրանի միջուկային ծրագրի շուրջ բանակցությունները վերսկսելու համար։
Հունիսի 30-ին Սպիտակ տունը հայտնել էր, որ Ուիթկոֆը շարունակում է Իրանի հետ քննարկումները Թեհրանի միջուկային ծրագրի շուրջ համաձայնագրի շուրջ, սակայն չէր նշել, թե արդյոք հնարավոր են անձնական շփումներ այս շաբաթ։
