Եվրահանձնաժողովն ուսումնասիրում է Վրաստանի նկատմամբ պատժամիջոցներ սահմանելու հնարավորությունը. Հիպեր
Եվրահանձնաժողովն ուսումնասիրում է Վրաստանի նկատմամբ պատժամիջոցներ սահմանելու, ինչպես նաև այդ երկրի հետ առանց վիզայի ռեժիմը չեղարկելու հնարավորությունը:
Այդ մասին ճեպազրույցի ժամանակ հայտնել է Եվրահանձնաժողովի ներկայացուցիչ Անիտա Հիպերը։
«Քննարկումների ընթացքում, որոնք մենք անցկացրել ենք, դիտարկվել են նաև այլ տարբերակներ՝ պատժամիջոցներից մինչև առանց վիզայի ռեժիմի կասեցում և այլ միջոցներ։
Միևնույն ժամանակ, ինչպես արդեն ասվել է, մենք ամբողջովին իջեցրել ենք մեր քաղաքական շփումների մակարդակը, դադարեցրել ենք ֆինանսական օգնությունը վրացական իշխանություններին և ավելացրել ենք մեր աջակցությունը քաղաքացիական հասարակությանը»,- ТАСС-ի փոխանցմամբ՝ նշել է պաշտոնյան:
