Թբիլիսին ռազմավարական գործընկերություն ունի 3 հարևանի՝ Ադրբեջանի, Հայաստանի և Թուրքիայի հետ․ Բոճորիշվիլի
«Մեր հարևանների հետ հարաբերությունները մեզ համար գերակա խնդիր են»:
Այս մասին հայտարարել է Վրաստանի ԱԳ նախարար Մակա Բոճորիշվիլին վրացական Առաջին ալիքի եթերում։
«Վրաստանը ռազմավարական գործընկերություն ունի երեք հարևանների՝ Ադրբեջանի, Հայաստանի և Թուրքիայի հետ։ Երեք երկրների հետ հարաբերություններն էլ մեզ համար շատ արժեքավոր են։
Հիշում եք, որ Արտաքին գործերի նախարարության նախաձեռնությամբ Թբիլիսին էր այն վայրը, որտեղ տեղի ունեցավ Ադրբեջանի, Վրաստանի և Հայաստանի արտաքին գործերի նախարարությունների միջև առաջին հանդիպումը, որը բավականին արդյունավետ էր:
Վստահ եմ, որ այս ձևաչափով, և ոչ միայն, մեր հարաբերությունները կզարգանան։
Վրաստանի ԱԳ նախարարի խոսքով՝ մի շարք այցելություններ են տեղի ունեցել Թուրքիա, Անկարայի հետ հարաբերությունները նույնպես շատ կարևոր են Թբիլիսիի համար, քանի որ Թուրքիան տարածաշրջանում կարևոր խաղացող և կարևոր գործընկեր է։
