Մակրոնը բարձր է գնահատել Կրեմլի նկատմամբ Թրամփի հռետորաբանության փոփոխությունը
Ֆրանսիայի նախագահ Էմանուել Մակրոնը ողջունել է Ռուսաստանի նկատմամբ ԱՄՆ նախագահ Դոնալդ Թրամփի հռետորաբանության փոփոխությունը:
«Ես ուրախ եմ, որ ԱՄՆ նախագահը հավատում է Ուկրաինայի ոչ միայն դիմակայելու, այլև մեզ հետ միասին իր իրավունքները պաշտպանելու ունակությանը»,- ասել է Ֆրանսիայի ղեկավարը ՄԱԿ-ի Գլխավոր վեհաժողովում:
Նա ողջունել է ԱՄՆ նախագահի հայտարարությունները, որոնցում վերջինս մատնանշել է Ռուսաստանի տնտեսության թուլացումը և Ռուսաստանի անհաջողությունները:
«Ավելի քան 1000 օրվա ընթացքում, չնայած խաղաղ բնակիչների շրջանում բազմաթիվ կորուստներին ու զոհերին, Ռուսաստանը գրավել է Ուկրաինայի տարածքի հազիվ մեկ տոկոսը»,- հավելել է Ֆրանսիայի նախագահը:
Նույն օրն ավելի վաղ Դոնալդ Թրամփը վստահություն էր հայտնել, որ Եվրամիության աջակցությամբ «Ուկրաինան ի վիճակի է պայքարել և վերադարձնել իր ամբողջ տարածքը նախկին սահմաններում»:
Սպիտակ տան ղեկավարն այդ մասին գրել է Truth Social սոցիալական ցանցում՝ Նյու Յորքում Ուկրաինայի նախագահ Վոլոդիմիր Զելենսկու հետ հանդիպումից հետո:
