Ռուսաստանից Թուրքիա նավթի ներմուծումը կրճատվել է. Reuters

Reuters-ը, հղում անելով թրեյդերներին, հաղորդել է, որ սեպտեմբերին ռուսական նավթի մատակարարումները Թուրքիա նվազել են՝ հասնելով ապրիլից ամենացածր մակարդակին:

Urals ապրանքանիշի նավթի ներմուծումն այս ամիս կարող է կազմել մոտ 1,2 միլիոն տոննա՝ հունիսի մոտ 1,6 միլիոն տոննայի դիմաց, հայտնում է LSEG-ը: Նվազումը պայմանավորված է նավթի այլ մատակարարների մրցակցությամբ, պատժամիջոցների ճնշումներով և քաղաքական գործոններով, ԱՄՆ նախագահ Դոնալդ Թրամփի կողմից ՆԱՏՕ-ի երկրներին ուղղված կոչերով՝ կրճատել ռուսական նավթի գնումները։

Անցյալ հինգշաբթի Թուրքիայի նախագահ Ռեջեփ Էրդողանի հետ բանակցություններից հետո ԱՄՆ նախագահը հայտարարել էր, որ ակնկալում է Թուրքիա ռուսական նավթի ներմուծման լիակատար դադարեցում, քանի որ դա կօգնի դադարեցնել պատերազմը Ուկրաինայում։

Նա հավելել էր, որ Թուրքիայի վերադարձը F-35 կործանիչների ծրագրին կախված է այդ հարցում Անկարայի գործողություններից։

Մանրամասները՝ սկզբաղբյուրում։