Ռոմելա Մանուկյանը նշանակվել է Կառավարության ներկայացուցիչ քննչական կոմիտեի կարգապահական հանձնաժողովում
Գործադիրի որոշմամբ, Հայաստանի Հանրապետության քննչական կոմիտեի կարգապահական հանձնաժողովում Կառավարության ներկայացուցիչ է նշանակվել Վարչապետի աշխատակազմի պետաիրավական վարչության գլխավոր մասնագետ Ռոմելա Մանուկյանը՝ 3 տարի ժամկետով:
Նշենք, որ Կարգապահական հանձնաժողովը կազմված է 8 անդամից:
Հանձնաժողովի կազմում են ՀՀ քննչական կոմիտեի նախագահի տեղակալներից մեկը` ՀՀ քննչական կոմիտեի նախագահի որոշմամբ, վիճակահանությամբ ընտրվող 3 քննիչ և ՀՀ կառավարության նշանակած 4 ներկայացուցիչ:
Հանձնաժողովի անդամները նշանակվում են 3 տարի ժամկետով և չեն կարող միաժամանակ լինել Որակավորման հանձնաժողովի անդամներ:
Հանձնաժողովը ղեկավարում է ՀՀ քննչական կոմիտեի նախագահի տեղակալը:
