Վրաստանի ԱԳՆ-ն բողոքի նոտա է հղել ԵԱՀԿ քարտուղարությանը՝ փողոցային ակցիային Էլինա Վալտոնենի մասնակցության կապակցությամբ
Վրաստանի արտաքին գործերի նախարարությունը բողոքի նոտա է հղել ԵԱՀԿ քարտուղարությանը, մտահոգություն հայտնել փողոցային ակցիային Ֆինլանդիայի արտաքին գործերի նախարար, ԵԱՀԿ գործող նախագահ Էլինա Վալտոնենի մասնակցության կապակցությամբ:
Նախարար Վալտոնենի հրապարակային հայտարարությունը, որը չի արտացոլում իրականությունը, միջազգային հանրությանը Վրաստանում տիրող իրավիճակի վերաբերյալ մոլորության մեջ գցելու գիտակցված փորձ է՝ նշել են գերատեսչությունից:
Ավելի վաղ հայտարարվել էր, որ Վրաստանի վարչապետը չեղարկել է ԵԱՀԿ գործող նախագահի հետ հանդիպումը։
Կառավարության մամուլի ծառայության հաղորդմամբ՝ պատճառը Թբիլիսիի կենտրոնում կազմակերպված անօրինական հանրահավաքին Վալտոնենի մասնակցությունն ու արած հայտարարություններն են:
