Ջոն Բոլթոնը կամավոր ներկայացել է դատարան. BBC
Դոնալդ Թրամփի ազգային անվտանգության նախկին խորհրդական Ջոն Բոլթոնը կամավոր ներկայացել է դաշնային դատարան՝ իշխանություններին հանձնվելու համար՝ գաղտնի տեղեկատվության հետ անփույթ վարվելու մեղադրանքով։
Նրան առաջադրվել է գաղտնի նյութերի պահպանման և փոխանցման հետ կապված 18 մեղադրանք, դրանցից մի քանիսը դասակարգված են որպես «հույժ գաղտնի»։
Բոլթոնը Թրամփի առաջին վարչակազմում զբաղեցրել է ազգային անվտանգության հարցերով խորհրդականի պաշտոնը, սակայն սկանդալով լքել Է Սպիտակ տունը և հետագայում դարձել նախագահի ամենակոշտ քննադատներից մեկը:
76-ամյա Բոլթոնը Դոնալդ Թրամփի երրորդ քաղաքական հակառակորդն է, որին մեղադրանք է առաջադրվել վերջին շաբաթների ընթացքում։ Մյուս երկուսը ՀԴԲ նախկին տնօրեն Ջեյմս Քոմին է և Նյու Յորքի գլխավոր դատախազ Լետիցիա Ջեյմսը:
Բոլթոնը հայտարարել է, որ մտադիր է պաշտպանել իր «օրինական դիրքորոշումը»։ Մեղավոր ճանաչվելու դեպքում նրան սպառնում է երկարատև ազատազրկում:
