ԵՄ էներգետիկայի նախարարները կհաստատեն ռուսական գազի լիակատար արգելքի մասին օրինագիծը. Politico
ԵՄ երկրների էներգետիկայի նախարարները, ենթադրվում է, երկուշաբթի հավանություն կտան օրինագծին, որը նախատեսում է ամբողջովին հրաժարվել ռուսական գազից, այդ թվում՝ Հունգարիային և Սլովակիային մատակարարվող գազից՝ չնայած այդ երկրների դիմադրությանը, հայտնում է Politico պարբերականի եվրոպական խմբագրությունը:
«Երկուշաբթի ԵՄ էներգետիկայի նախարարները պաշտոնապես հավանություն կտան այդ օրինագծին՝ ցույց տալով, որ պատրաստ են շրջանցել Հունգարիան և Սլովակիան դեռ մինչև Եվրախորհրդարանի հետ վերջնական բանակցությունների մեկնարկը»,- գրել է պարբերականը:
Ներկայումս Հունգարիան և Սլովակիան ԵՄ միակ երկրներն են, որոնք չեն հրաժարվում ռուսական գազի մատակարարումից՝ պատճառաբանելով, որ այլընտրանք չունեն։
