ԵՄ-ն պատրաստում է Վրաստանի համար առանց վիզայի ռեժիմի մասնակի կասեցում. Կալաս
Եվրամիությունը պատրաստում է Վրաստանի համար առանց վիզայի ռեժիմի մասնակի կասեցում՝ մարդու իրավունքների խախտումների պատճառով։
Այդ մասին հայտարարել է Եվրամիության դիվանագիտության ղեկավար Կայա Կալասը Լյուքսեմբուրգում միության անդամ երկրների արտաքին գործերի նախարարների հանդիպումից հետո կայացած մամուլի ասուլիսում:
Նա նշել է, որ վիզայի հետ կապված նոր կանոններն ուժի մեջ կմտնեն նոյեմբերին, ինչը թույլ կտա Եվրահանձնաժողովին չեղարկել առանց վիզայի ռեժիմը որոշ խմբերի համար:
Կալասն «անհնար» է անվանել Վրաստանի՝ ԵՄ անդամության թեկնածու երկրի կարգավիճակի վերականգնումը, եթե Թբիլիսին պահպանի ներկայիս կուրսը:
Հանձնակատարն անդրադարձել է նաև Վրաստանում եվրոպացի դիվանագետների հետ կապված վերջին իրադարձություններին, նշել՝ դեսպանների վրա անձնական հարձակումներն անընդունելի և անթույլատրելի են:
