Ովքեր հետևում են կանոնագրքին, նրանք են մեր հոգևոր հայրերը. Պապոյան
Գարեգին Բ-ի կողմից կարգալույծ հռչակված Հովհաննավանքի հոգևոր հովիվի Տեր Արամի կողմից մատուցված պատարագին մասնակցում է նաև Էկոնոմիկայի նախարար Գևորգ Պապոյանը։
Լրագրողների հարցին, թե մասնակցում է կարգալուծ արված քահանայի պատարագին, Պապոյանը նշել է.
«Իսկ ո՞վ է ասել, որ կարգալույծ է եղել։ Հայ Առաքելական եկեղեցու կանոնագրքով նախատեսված բազմաթիվ կանոններ խախտած և սրբապղծություն իրականացրած մարդկանց որոշումներն ինձ համար որևէ արժեք չունեն։
Ովքեր հետևում են կանոնագրքին, նրանք են մեր հոգևոր հայրերը»:
Հիշեցնենք՝ ՀՀ վարչապետ Նիկոլ Փաշինյանը ժամանել է Հովհաննավանքի եկեղեցի, մեկնարկել է Սուրբ պատարագը:
