Ռուսաստանը բացասաբար կընդունի իր գործընկերների դեմ պատժամիջոցների մասին ԱՄՆ օրենքը. Պեսկով
Մոսկվան բացասաբար կարձագանքի, եթե Վաշինգտոնն ընդունի Ռուսաստանի գործընկերների նկատմամբ պատժամիջոցների մասին օրինագիծը։
Ռուսաստանի նախագահի մամուլի քարտուղար Դմիտրի Պեսկովն այդպես է մեկնաբանել ամերիկացի օրենսդիրների նախաձեռնությունները։
«Մենք կհետևենք այդ օրինագծի ընթացքին և կտեսնենք, թե ինչ մանրամասների մասին է խոսքը։ Մենք, իհարկե, չափազանց բացասաբար կարձագանքենք դրան»,- ասել է նա։
Նախօրեին Դոնալդ Թրամփն աջակցել է Ռուսաստանի հետ համագործակցող բոլոր երկրների նկատմամբ պատժամիջոցներ սահմանող օրինագծին։
Նա պարզաբանել է, որ փաստաթուղթն այժմ քննարկվում է Կոնգրեսում։ ԱՄՆ առաջնորդը նաև հիշեցրել է, որ նմանատիպ պատժամիջոցների տակ կարող են հայտնվել նաև Իրանի տնտեսական գործընկերները: Օրինագծում համապատասխան փոփոխություն կարող է կատարվել Կոնգրեսում օրինագծի քննարկման ժամանակ։
