Դատարանը վերացրել է Ռուբեն Մխիթարյանի խափանման միջոց կալանքը
Վերաքննիչ քրեական դատարանը դատավոր Վազգեն Ռշտունու նախագահությամբ վերացրել է փաստաբան Ռուբեն Մխիթարյանի խափանման միջոց կալանքը:
Որևէ խափանման միջոց չի կիրառվել:
Այս մասին հայտնել է պաշտպան Վարազդատ Հարությունյանը:
Նշենք, որ Ռուբեն Մխիթարյանի նկատմամբ հարուցվել է քրեական հետապնդում՝ զանգվածային անկարգություններին մասնակցելու և արդարադատության իրականացմանը կամ գործի քննությանը միջամտելու համար։
Հիշեցնենք՝ Գյումրիի քաղաքապետարանի հարակից տարածքից բերման ենթարկված 37 քաղաքացիներից 19-ի նկատմամբ կալանքը որպես խափանման միջոց կիրառելու վերաբերյալ միջնորդություն էր ներկայացվել դատարան: Մխիթարյանն այդ քաղաքացիներից մեկն էր:
Շիրակի մարզի առաջին ատյանի ընդհանուր իրավասության դատարանի որոշմամբ՝ երկու ամսով նա կալանավորվել էր:
